उद्यानांना माजी सैनिकांचे सुरक्षाकवच
सकाळ वृत्तसेवा
​मुंबई, ता. २७ : उद्यानांमध्ये वाढत्या गैरप्रवृत्तींना आळा घालण्यासाठी कडक पावले उचलली जाणार आहेत. या उद्यानांत अमली पदार्थांचे सेवन आणि समाजविघातक हालचाली रोखण्यासाठी माजी सैनिक सुरक्षा महामंडळाच्या जवानांची नियुक्ती करण्याचे तसेच पोलिसांनी विशेष मोहीम राबवण्याचे स्पष्ट निर्देश मंत्री शंभूराज देसाई यांनी दिले. पहिल्या टप्प्यात पवई आणि चांदिवली परिसरातील महापालिका उद्यानांमध्ये ही मोहीम राबवली जाणार आहे.