ताज, ट्रायडेंटला
धमकीचा फोन

मुंबई ः हॉटेल ताज आणि ट्रायडेंटवर हल्ला होईल, अशी अफवा पसरवणाऱ्या तरुणास कुलाबा पोलिसांनी बुधवारी (ता. ६) पनवेल येथून ताब्यात घेतले. संतोष सावंत (वय ४२, रा. विचुंबे) असे आरोपी तरुणाचे नाव आहे. त्याने मंगळवारी रात्री दोन्ही हॉटेलमध्ये फोन करून हल्ला होईल, अशी माहिती दिली. त्यानंतर हॉटेल प्रशासनाने पोलिसांना कळवले. पोलिसांनी दोन्ही हॉटेलभोवती सुरक्षा वाढवली. तसेच झाडाझडती घेतली; मात्र सावंतची माहिती अफवा ठरली. अफवेने घबराट पसरवल्याबद्दल अदखलपात्र गुन्हा नोंदवण्यात आला असून त्याची चौकशी सुरू असल्याचे उपायुक्त डॉ. प्रवीण मुंढे यांनी सांगितले.