मुंबई पुन्हा तापली!

राम मंदिर परिसरात सर्वाधिक ३८ अंश तापमान

सकाळ वृत्तसेवा
​मुंबई, ता. ८ : मुंबईचा पारा पुन्हा वाढू लागला असून, शुक्रवारी (ता. ८) मुंबई उपनगरात उन्हाच्या तीव्र झळा जाणवल्या. भारतीय हवामान विभागाच्या स्वयंचलित हवामान केंद्रानुसार उपनगरात राम मंदिर परिसरात ३८ अंशांपर्यंत तापमानाची नाेंद झाली आहे. उन्हाची तीव्रता आणि वाढत्या आर्द्रतेमुळे मुंबईकर घामाच्या धारांनी चिंब हाेत आहेत.

​हवामान विभागाच्या माहितीनुसार, मुंबई शहरात कमाल तापमान ३४.४ अंश सेल्सिअस नोंदवले गेले, तर उपनगरात सरासरी ३५.५ अंश सेल्सिअस तापमानाची नोंद झाली. स्थानिक स्तरावर काही भागांत हे तापमान सरासरीपेक्षा जास्त होते. राम मंदिर परिसरानंतर विक्रोळीत ३७.४ अंश तापमान नोंदवले गेले. मध्य मुंबईतील विद्याविहार आणि वांद्रे या भागात पारा अनुक्रमे ३५.९ अंश आणि ३५.७ अंशांवर स्थिरावला होता. तुलनेने दहिसरमध्ये ३४.६ अंश इतक्या कमी तापमानाची नोंद झाली.
-------------------

उपनगरातील तापमान
राम मंदिर : ३८.० अंश
​विक्रोळी : ३७.४ अंश
​विद्याविहार : ३५.९ अंश
​वांद्रे : ३५.७ अंश
​दहिसर : ३४.६ अंश
......