पालघर, ता. ८ (बातमीदार) : पालघर येथील एस. टी. कदम सीबीएसई शाळेचा स्नेहसंमेलन सोहळा विविध सांस्कृतिक कार्यक्रमाद्वारे पार पडला. कार्यक्रमाचा शुभारंभ समन्वय प्रतिष्ठानच्या व्यवस्थापकीय विश्वस्त नीलिमा डावखरे व पालघरच्या नगराध्यक्ष उज्वला काळे यांच्या हस्ते करण्यात आला. या स्नेहसंमेलनात विद्यार्थ्यांनी स्वातंत्र्यलढ्याचा इतिहासपट विविध प्रसंगाद्वारे सादर केला. तसेच शिवाजी महाराज यांच्यावर आधारित नाट्यकृती ही कार्यक्रमाचे प्रमुख आकर्षण होते. कार्यक्रमाचे प्रास्ताविक मुख्याध्यापिका कमल कचोरीया यांनी केले. उपमुख्याध्यापिका पौर्णिमा जैन यांनी आभार मानले. अल्पा साळवी यांनी कार्यक्रमाचे सूत्रसंचालन केले. शाळेच्या कार्यक्रमासाठी शिक्षक व शिक्षकेत्तर कर्मचाऱ्यांनी मेहनत घेतली.