कळवा, ता. ८ (बातमीदार) : ठाणे शहर कुणबी समाजसेवा संघाचे महास्नेहसंमेलन ठाण्यातील बालकुम येथील हायलेंड मैदानावर मोठ्या उत्साहात पार पडले. समाजातील चिमुकल्यांच्या गणेशस्तवन स्वागतगीतांनी, लावणीच्या अदाकारीने कार्यक्रमाची दिमाखदार सुरुवात झाली. या वेळी दहावी, बारावी, विविध पदवीधारकांचा, गुणवंतांचा व सेवानिवृत कर्मचाऱ्यांचा या वेळी सन्मान करण्यात आला. या कार्यक्रमाला प्रमुख पाहुणे म्हणून ठाणे महापालिकेचे स्थायी समितीचे माजी सभापती संजय भोईर, माजी नगरसेवक देवराम भोईर, उषा भोईर, माजी उपमहापौर मुकेश मोकाशी, सेवसंघाचे अध्यक्ष गुरुनाथ पाटील, संस्थापक किरण घरत, उपाध्यक्ष पी. सी. पाटील, सचिव पी. ए. पाटील, स्नेहसंमेलन प्रमुख महेश पाटील, खजिनदार शांताराम विशे, सेवानिवृत्त वनसंरक्षक आधिकारी के. डी. ठाकरे, उद्योजक गजानन जाधव, दिलीप आक्रे, गणेश नाईक, दयानंद पाटील, मधुकर फर्डे, पी. एन. पाटील, एस. एस. पाटील आदी मान्यवर उपस्थित होते. कार्यक्रमाचे सूत्रसंचालन अनिल पठारे यांनी; तर आभार वसंत घरत यांनी मानले.