डोंबिवली, ता. ७ (बातमीदार) : कल्याण कसारा रेल्वे पॅसेंजर वेल्फेअर असोसिएशनच्या अध्यक्षपदी शैलेश राऊत यांची निवड करण्यात आली आहे. तसेच उपाध्यक्षपदी दिलीप पंडित व ज्ञानेश्वर चंदे यांची निवड करण्यात आली. संस्थेच्या कोअर कमिटीच्या विशेष सभा माजी अध्यक्ष मनोहर सासे यांच्या अध्यक्षतेखाली माध्यमिक विद्यालय संभाजीनगर आसनगाव येथे झाली. सचिवपदी उमेश विशे, अजय गावकर, प्रसिद्धिप्रमुख गोपीनाथ जाधव, कार्याध्यक्ष रमाकांत पालवे, कोषाध्यक्ष दिनेश घरत, सहप्रसिद्धी प्रमुख महेश तारमळे, महिलाप्रमुख मीना फर्डे, हिशोब तपासनीस शिवाजी भोईर यांची निवड करण्यात आली. तसेच नवीन कार्यकारिणीत अनिता झोपे, जगदीश धनगर, डॉ. मनोहर सासे सल्लागार तर कायदेशीर सल्लागार म्हणून ॲड. जगदीश वारघडे यांची निवड करण्यात आली.