ठाणे : तालुका स्तरावर आयोजित केलेल्या राष्ट्रीय लोकअदालतीतून कायमस्वरूपी वीजपुरवठा खंडित, तसेच वीजचोरीची दाखलपूर्व आणि प्रलंबित अशी २४१ प्रकरणे तडजोडीद्वारे निकाली काढण्यात आली. महावितरणच्या उपलब्ध सवलतीचा लाभ घेत संबंधित ग्राहकांना ५३ लाख ५५ हजार रुपयांचा भरणा केला. भांडुप परिमंडलातील ठाणे व पेण मंडलातील कायमस्वरूपी वीजपुरवठा खंडित, तसेच वीजचोरीची दाखलपूर्व आणि प्रलंबित प्रकरणे सामंजस्याने सोडवण्यासाठी लोक अदालतीत ठेवण्यात आली होती. त्यानुसार २४१ प्रकरणांमध्ये तडजोड होऊ शकली. भांडुप परिमंडल अंतर्गत ठाणे मंडलातील १२८ ग्राहकांनी २८ लाख २४ हजार रुपयांचा भरणा करून प्रकरणांचा निपटारा केला. वाशी मंडळातील ४९ ग्राहकांनी १३ लाख २१ हजार रुपयांचा भरणा केला. पेण मंडलात ६४ ग्राहकांनी १२ लाख ८० हजार रुपयांचा भरणा करण्यात आल्याचे सांगण्यात आले.