माणगाव, ता.२३(बातमीदार)ः मुंबई-गोवा राष्ट्रीय महामार्गावर माणगावपासून ४ किमी अंतरावर असणाऱ्या मुगवली गावच्या हद्दीत बुधवारी (ता.२२) मध्यरात्री साधारण१.१५ च्या सुमारास मिनीबसने एसटीला धडक दिली आहे. या अपघातात देवगड-नालासोपारा एसटी बसमधील ७ प्रवासी जखमी आहेत.
पुण्याहून महाडकडे निघालेली मिनी बस क्रमांक एम.एच.१४-सीडब्लू ५५०८ या गाडीवरील चालक दिनेश घबाड (वय ३२) रा. काळेवाडी पिंपरी चिंचवड जि. पुणे यांनी विरुद्ध दिशेला जाताना समोरून येणाऱ्या देवगड-नालासोपारा एसटीला धडक दिली. या अपघातात एसटी बसमधील विनायक साटम (वय-६०) रा. देवगड जि. सिंधुदुर्ग, माया गोसावी (वय ३२) रा.कुडाळ जि. सिंधुदुर्ग, शुभांगी तावडे (वय-६९), रमेश तावडे (वय-७३) दोन्ही रा. राजापूर , उज्वला चौगुले (वय-५५), उदय चौगुले (वय- ५१) दोन्ही रा. सिंधुदुर्ग, दिनेश कदम (वय- ३९) रा. साईनगर माणगाव सध्या रा.विरार जि. ठाणे हे सात प्रवासी जखमी झाले आहेत.

.