डोंबिवली : राष्ट्रवादी काँग्रेसचे कल्याण जिल्हाध्यक्ष जगन्नाथ शिंदे यांनी पदाचा राजीनामा प्रदेशाध्यक्ष जयंत पाटील यांच्याकडे दिला आहे. महाविकास आघाडी सरकारच्या काळात राष्ट्रवादीने उभारी घेतली होती. स्थानिक पातळीवर देखील संघटना मजबुतीकरण पक्षाकडून केले जात असताना २०२० मध्ये रमेश हनुमंते यांची उचलबांगडी करत पक्षाने जिल्हाध्यक्षपदाची धुरा शिंदे यांच्या खांद्यावर दिली होती. शिंदे यांच्या अध्यक्षतेखाली पक्षाला संजीवनी मिळत असतानाच त्यांनी दिलेल्या राजीनाम्यामुळे राष्ट्रवादीच्या गोटात खळबळ उडाली आहे. प्रकृती ठिक नसल्यामुळे शिंदे यांनी राजीनामा दिल्याचे बोलले जात आहे.