जव्हार, ता. १० (बातमीदार) : पालकमंत्री रवींद्र चव्हाण यांच्या मुख्य उपस्थितीत जव्हार शहरातील, तसेच तालुक्यातील असंख्य कार्यकर्त्यांनी भारतीय जनता पक्षात प्रवेश केला. या वेळी जव्हार नगर परिषदेचे माजी नगरसेवक तथा दि जव्हार अर्बन को-ऑपरेटिव्ह बँकेचे माजी संचालक आणि विद्यमान जव्हार तालुका भारतीय जनता पार्टीचे अध्यक्ष कुणाल उदावंत, ठाणे-पालघर जिल्ह्याचे मार्गदर्शक बाबाजी काठोले, आदिवासी आघाडी चिटणीस डॉ. हेमंत सवरा, पालघर जिल्हा परिषद गटनेत्या सुरेखा थेतले, महिला मोर्चा जिल्हाध्यक्ष तथा सुहासिनी पतसंस्थेच्या चेअरमन ज्योती भोये यांच्यासह असंख्य महिला पदाधिकारी व कार्यकर्ते उपस्थित होते. येणाऱ्या काळात जव्हार नगर परिषदेची सार्वत्रिक निवडणूक होणार असल्याने भावी नगराध्यक्ष म्हणून कुणाल उदावंत यांच्या नावाची चर्चा भाजपच्या गोटातून सुरू आहे.