ठाणे : अनघा प्रकाशनाच्या ४४ व्या वर्धापन दिनानिमित्त ‘अनघोत्सव २०२३’ हा कार्यक्रम १४ एप्रिल रोजी सायंकाळी ५ वाजता ठाणे शहरातील मराठी ग्रंथ संग्रहालय येथे आयोजित करण्यात आला आहे. या कार्यक्रमाच्या अध्यक्षपदी ज्येष्ठ साहित्यिक प्रेमानंद गज्वी, तर प्रमुख पाहुणे म्हणून राजू परुळेकर हे उपस्थित राहणार आहेत. या उत्सवात अनघा प्रकाशनच्या १२ पुस्तकांचे प्रकाशन मान्यवरांच्या हस्ते करण्यात येणार आहे. रसिकांसाठी ‘सुरमई शाम’ हा संगीताचा कार्यक्रम आयोजित केला आहे. या साहित्यिक कार्यक्रमाचा आस्वाद साहित्य रसिकांनी घ्यावा, असे आवाहन अनघा प्रकाशनचे संस्थापक मुरलीधर नाले आणि मराठी ग्रंथ संग्रहालयाचे अध्यक्ष विद्याधर ठाणेकर यांनी केले आहे.