ठाणे, ता. २९ (वार्ताहर) : खातेधारकाच्या बँक खात्यातून परस्पर १० लाख रुपये काढल्याचा प्रकार समोर आला आहे. याप्रकरणी मोहनलाल वनारामजी चौधरी यांनी श्रीनगर पोलिस ठाण्यात तक्रार दाखल केली. पोलिसांनी अज्ञात आरोपींविरोधात गुन्हा दाखल करत तपास सुरू केला आहे.

ठाणे पश्‍चिम परिसरातील वागळे इस्टेट परिसरात मोहनलाल वनारामजी चौधरी (वय ४१) राहत असून त्यांचे इडस इंड बँकेत खाते आहे. ४ ते ५ एप्रिलदरम्यान त्यांचे बँक खाते अन्य इलेक्ट्रॉनिक उपकरणामध्ये चालू करत दोन बेनिफिशिअरी जोडले. त्यानंतर खात्यातून नऊ लाख ९९ हजार ९९९ रुपये दुसऱ्या खात्यात वळवण्यात आले. आपली फसवणूक झाल्याचे लक्षात येताच चौधरी यांनी पोलिस ठाण्यात धाव घेतली.