मुंबई, ता.२९ : राष्ट्रवादी काँग्रेसचे राष्ट्रीय अध्यक्ष ज्येष्ठ नेते शरद पवार यांच्या आत्मचरित्राच्या सुधारित आवृत्तीचे प्रकाशन मंगळवार, २ मे रोजी सकाळी ११ वाजता मुंबईतील यशवंतराव चव्हाण प्रतिष्ठानच्या सभागृहात होणार आहे. देशाच्या तसेच महाराष्ट्राच्या राजकारणात झालेल्या बदलांचा समावेश या सुधारित आवृत्तीत आहे. ७० पानांची जोड असलेली ही आवृत्ती महाविकास आघाडीची निर्मिती या वर्तमान काळातील अत्यंत महत्त्वा‍च्या घडामोडीवर भाष्य करणार असल्याने राजकीय वर्तुळात उत्सुकता लागून राहिली आहे. या कथनावर प्रकाशनानंतर चर्चा सुरू होणार हे निश्चित मानले जाते. खासदार सुप्रिया सुळे यांनी ट्वीट करीत २ मे रोजी सकाळी ११ वाजता होणाऱ्या कार्यक्रमाबाबत माहिती दिली आहे.