मनोर (बातमीदार) : महाराष्ट्र नवनिर्माण सेनेच्या वतीने बोईसर रेल्वेस्थानक परिसरात महाराष्ट्र दिन, तसेच कामगार दिन साजरा करण्यात आला. या कार्यक्रमात संयुक्त महाराष्ट्र निर्मितीच्या लढ्यातील १०६ हुतात्म्यांना श्रद्धांजली अर्पण करण्यात आली. कार्यक्रमस्थळी कामगार सल्लागार राकेश पांडे यांनी ईएसआयसी, तसेच इमारत बांधकाम कामगार आणि कामगार कल्याणकारी महामंडळाकडून राबवल्या जाणाऱ्या कल्याणकारी योजनांची माहिती दिली. महामंडळामध्ये मोठ्या संख्येने कामगारांची नोंदणी करण्याचा संकल्प मनसेच्या पदाधिकाऱ्यांनी केला. या वेळी पंकज राऊ, रामप्रकाश निराला, मनसे जिल्हा अध्यक्ष भावेश चुरी, कामगार सेनेचे अनंत दळवी, शिवाजी रेंबाळकर, अजित म्हात्रे, विनायक केळुस्कर आदी उपस्थित होते.