नवी दिल्ली, ता. १ (पीटीआय) : पंतप्रधान नरेंद्र मोदी यांनी सोमवारी महाराष्ट्र आणि गुजरातच्या स्थापना दिनानिमित्त जनतेला शुभेच्छा दिल्या. त्यांनी ट्विट करत महाराष्ट्र दिनाच्या शुभेच्छा दिल्या. त्यांनी ट्विट केले, की ‘महाराष्ट्र दिनाच्या हार्दिक शुभेच्छा! राज्याला एक महान संस्कृती आणि कष्टाळू लोकांचा आशीर्वाद आहे. ज्यांनी विविध क्षेत्रांमध्ये राष्ट्रीय प्रगती समृद्ध केली आहे. मी पुढील वर्षात महाराष्ट्राच्या प्रगतीसाठी प्रार्थना करतो.’ सोबतच त्यांनी गुजरातमधील जनतेलाही राज्य स्थापनेच्या शुभेच्छा दिल्या. त्यांनी ट्विटमध्ये म्हटले, की ‘गुजरात स्थापना दिनाच्या शुभेच्छा. गुजरातने आपल्या सर्वांगीण प्रगतीमुळे तसेच आपल्या अनोख्या संस्कृतीमुळे ठसा उमटवला आहे. राज्याने पुढील काळात विकासाची नवीन उंची गाठावी अशी मी प्रार्थना करतो.’ १९६० मध्ये भाषिक आधारावर पूर्वीच्या मुंबई राज्याचे विभाजन झाल्यानंतर या दिवशी दोन्ही राज्यांची निर्मिती करण्यात आली होती.