कल्याण, ता. १ (बातमीदार) : कर्नाटक राज्यात सुरू असलेल्या विधानसभेच्या निवडणुकीतील बैलहोंगल विधानसभेचे प्रभारी म्हणून कल्याण पश्चिमचे माजी आमदार तथा भाजप भटके विमुक्त आघाडीचे प्रदेश संयोजक नरेंद्र पवार यांच्यावर जबाबदारी सोपवण्यात आली आहे. त्यामुळे गेल्या आठ दिवसांपासून नरेंद्र पवार हे बैलहोंगल विधानसभेत ठाण मांडून बसले आहेत.
कर्नाटकमध्ये मागील पाच वर्षांत भाजप सरकारने केलेली कामे व सामान्य जनतेला मिळालेल्या अनेक योजनांचा लाभ याविषयी त्यांनी माहिती घेतली. तसेच केंद्रातील व राज्यातील भाजप सरकारने घेतलेल्या वाढीव आरक्षणाचा लाभ सर्व गरीब जनतेला होत आहे. २२४ बूथ असलेल्या विधानसभेत नरेंद्र पवार मल्लुर, तांडे, हरुगोप्पा, यक्कंडी, डुपाडल, इंचल, कोरिकोप्पा आदी अनेक गावांना प्रत्यक्ष भेट देऊन विधानसभेची व्यूहरचना ठरवत आहेत. तसेच सर्व जिल्हा पदाधिकारी, मंडळ पदाधिकारी, युवा मोर्चा, ओबीसी सेल, अल्पसंख्याक सेल व कार्यकर्त्यांना नरेंद्र पवार मार्गदर्शन करत आहेत.