मुंबई, ता. १ : रेल्वे प्रवाशांची अतिरिक्त गर्दी लक्षात घेऊन मध्य रेल्वेने मुंबई-पुणे सिंहगड एक्स्प्रेसला एक अतिरिक्त डबा जोडण्याचा निर्णय घेतला आहे. त्यामुळे आता ही एक्स्प्रेस पंधराऐवजी सोळा डब्यांसह धावत आहे. मध्य रेल्वेने दिलेल्या माहितीनुसार, ट्रेन क्रमांक ११००९/११०१० सिंहगड एक्स्प्रेसला एक द्वितीय श्रेणी चेअर कार (नॉन-एसी) कोच जोडण्याचा निर्णय घेतला आहे. त्यामुळे प्रवाशांना मोठा दिलासा मिळाला आहे. सिंहगड एक्स्प्रेसला आता एक वातानुकूलित चेअर कार, १३ द्वितीय श्रेणी चेअर कार, एक लगेज कम गार्ड ब्रेक व्हॅन आणि एक जनरेटर कारसह एकूण १६ डबे असणार आहेत.