वसई, ता. २ (बातमीदार) : सुप्रसिद्ध नाटककार, लेखक विद्याधर गोखले यांच्या जन्मशताब्दी वर्षानिमित्त बोरिवली येथे मिनी प्रबोधनकार ठाकरे सभागृहात ‘रस भावदर्शन’ नाट्यपदांचा कार्यक्रम सादर करण्यात आला. या वेळी वसईतील गायिकांनी सहभाग घेत रंगत आणली.
विद्याधर गोखले यांच्या नाटकातील पदे याव्यतिरिक्त खाडिलकर, मो. ग. रांगणेकर इत्यादी अनेक नामवंत नाटककारांनी लिहिलेली पदे सादर करण्यात आली. वसईतील शीतल सुवर्णा, हर्षाली लोखंडे मुकणे, प्रफुल्लता भट, डॉ. संपदा पोतदार यांचा या कार्यक्रमात विशेष सहभाग होता.