बदलापूर (बातमीदार) : माजी नगराध्यक्ष व शिवसेना शहरप्रमुख वामन म्हात्रे यांच्या वाढदिवसानिमित्त बदलापूर शहरात महारक्तदान शिबिर शुक्रवारी (ता. २) आयोजित केले आहे. जय चॅरिटेबल ट्रस्टच्या सौजन्य आणि माजी नगरसेवक तुकाराम म्हात्रे यांच्या सहकार्यातून व ज्युपिटर रुग्णालयाच्या माध्यमातून हे रक्तदान शिबिर अजय राजा सभागृहात सकाळी ९ ते ४ या वेळेत होणार आहे. विशेष म्हणजे या शिबिरात लकी ड्रॉ काढण्यात येणार आहे. सहभागी रक्तदात्यांपैकी लकी ड्रॉ काढून ११ जणांना सायकल आणि प्रत्येक दात्याला ज्युपिटर रुग्णालयाच्या वतीने भेटवस्तू व प्रमाणपत्र देण्यात येणार आहे., असे आयोजकांनी सांगितले. तरी महारक्तदान शिबिरात अनेकांनी सहभाग घेण्याचे आवाहन आयोजकांच्या वतीने करण्यात आले आहे. शिबिरात प्रत्येक दात्याची योग्य ती काळजी घेतली जाईल. त्यामुळे थॅलेसेमिया व रक्ताशी संबंधित रुग्णांसाठी स्वतः पुढाकार घेऊन रक्तदान करावे, असे आवाहन माजी नगरसेवक तुकाराम म्हात्रे यांनी केले आहे.