नवी मुंबई, ता. १ (वार्ताहर) : अनैतिक मानवी वाहतूक प्रतिबंधक कक्षाने खारघर सेक्टर-३४ बीमधील फरशीपाडा येथील घरावर छापा मारून गांजाची विक्री करणाऱ्या महिलेला ताब्यात घेतले. लक्ष्मी नाडार (वय ३६) असे या महिलेचे नाव असून पोलिसांनी तिच्याजवळ सापडलेला दोन किलो ४० ग्रॅम वजनाचा सुमारे ४० हजार रुपये किमतीचा गांजा जप्त केला आहे. वरिष्ठ पोलिस निरीक्षक अतुल आहेर व त्यांच्या पथकाने खारघर फरशीपाडा येथील संशयित घरावर छापा मारून लक्ष्मी राठोड या महिलेला ताब्यात घेतले. त्यानंतर तिची झडती घेतली असता, तिच्याजवळ असलेल्या पिशवीमध्ये दोन किलो ४० ग्रॅम वजनाची गांजाची पाने, फुले, काड्या व बिया असलेला गांजा आढळून आला. गांजाची विक्री करणाऱ्या लक्ष्मी नाडर या महिलेविरोधात खारघर पोलिस ठाण्यात गुन्हा दाखल करून तिला ताब्यात घेतले.