वाडा, ता. ६ (बातमीदार) : वाडा पंचायत समितीचे निवृत्त गटशिक्षणाधिकारी श्रीधर पाटील (वय ७९) यांचे हृदयविकाराने सोमवारी (ता. ५) निधन झाले. शांत, संयमी, कडक शिस्तीचे व प्रशासनाचा गाढा अभ्यास असल्यामुळे पाटील यांनी शिक्षण क्षेत्रात दबदबा निर्माण केला होता. प्राथमिक शिक्षक ते गटशिक्षणाधिकारी अशी जबाबदारी सांभाळत ते सेवानिवृत्त झाल्यानंतर पाटील यांनी पालघर ठाणे जिल्ह्यात वधू-वर सूचक मंडळाची स्थापना केली. श्रीधर पाटील यांच्या अंत्यविधीसाठी राजकीय, सामाजिक व शैक्षणिक क्षेत्रातील मान्यवरांसह मोठा जनसमुदाय उपस्थित होता. त्यांच्या पश्चात त्यांची पत्नी, मुलगा व सून असा परिवार आहे.