वासिंद, ता. ६ (बातमीदार) : रोटरी क्लब ऑफ मुंबई मिडवेस्ट, आदिवासी उन्नती मंडळ मुंबई, आणि इनरव्हील क्लब ऑफ मुंबई मिडवेस्ट यांच्यातर्फे शहापूर येथे विधवा गरजू महिलांना शिलाई मशिन व साडी वाटप करण्यात आले. रवींद्र भोईर यांच्या अध्यक्षतेखाली झालेल्या या कार्यक्रमात सुधाकर पाटील यांनी स्वागत करून आयोजक संस्था १९८२ पासून शहापूर तालुक्यात करीत असलेल्या विविध सामाजिक उपक्रमांची माहिती दिली. तर डॉ. प्रीती पाठारे यांनी शिलाई मशिनचा सुयोग्य वापर करून महिलांनी स्वयंसिद्धा होण्याचे आवाहन केले. आदिवासी उन्नती मंडळाचे ट्रस्टी कमल चोक्षी यांनी लाभार्थी विधवा महिलांनी मदतीचा स्वीकार केल्याबद्दल समाधान व्यक्त केले. यावेळी करुणा पाटील (दहिवली), पुनम जत्ती (आसनगाव), शकुंतला भोईर (कळगाव), दिपाली विशे (शेलवली बां.) यांना अत्याधुनिक शिलाई मशिन व साडी वाटप करण्यात आले.
.....
वासिंद : गरजू महिलांना शिलाई मशिन व साडी वाटप करण्यात आले.