वसई, ता. ६ (बातमीदार) : शिवसेना उद्धव बाळासाहेब ठाकरे नवघर-माणिकपूर शहराच्या वतीने हिंदवी स्वराज्य संस्थापक छत्रपती शिवाजी महाराज यांचा ३५० वा राज्यभिषेक सोहळा साजरा करण्यात आला. वसई पश्चिम आनंद नगर येथील छत्रपती शिवाजी महाराज यांच्या पुतळ्यावर पंचामृत आणि गंगाजलाने अभिषेक करून विधीयुक्त पूजा व आरती करण्यात आली. याप्रसंगी तालुकाप्रमुख राजाराम बाबर, उपतालुकाप्रमुख सुनील मुळे, शहरप्रमुख संजय गुरव, उपशहरप्रमुख शशिभूषण शर्मा, शहर संघटक जसिंथा फिंच, रश्मी राव, विलास बिर्जे, प्रशांत कडुलकर, निशांत बिर्जे, संजय पटेल, प्रभाकर पडवळ, अमित शाह, राहुल पाठारे उपस्थित होते.