सकाळ वृत्तसेवा
मुंबई, ता. ६ ः मुंबईतील गिरण्यांच्या परिसरातील ११ चाळी पुनर्विकासाच्या प्रतीक्षेत आहेत. केंद्र आणि राज्य सरकारमध्ये गिरणी चाळी (एन.टी.सी.) पुनर्विकासाच्या विषयावर समन्वय नसल्याने आम्हा नागरिकांना त्रास सहन करावा लागत आहे, असा आरोप नागरिकांनी केला आहे. त्यामुळे सरकारचे लक्ष वेधण्यासाठी गिरणी चाळ संघर्ष समितीने आंदोलनाचा इशारा दिला आहे.

भारत माता चाळ, परळ येथे आज (ता. ६) सकाळी ११ ते ४ या वेळेत गिरणी चाळ संघर्ष समिती तीव्र निदर्शने करणार आहे. बीडीडी चाळीप्रमाणे विशेष बाब म्हणून ५०० चौ. फूट क्षेत्रफळाचे घर द्यावे, आहे त्याच जागेवर पुनर्विकास व्हावा, पुनर्विकास प्रकल्प सुरू होण्यासाठी केंद्र शासनाने सर्व हक्क राज्य शासनास हस्तांतरित करावेत, सार्वत्रिक निवडणुकीपूर्वी पायाभरणी व्हावी, या मागण्या गिरणी चाळ रहिवाशांनी केल्या आहेत.