सकाळ वृत्तसेवा
मुंबई, ता. ६ : कौटुंबिक वादातून एका अल्पवयीन मुलीने आत्महत्या करून जीवन संपवण्याचा प्रयत्न केला. ही घटना ३ जून रोजी घडली होती. पोलिसांनी सतर्कता दाखवत तिला रुग्णालयात दाखल केल्यामुळे मुलीचे प्राण वाचले. पोलिस सहआयुक्त (कायदा व सुव्यवस्था) सत्यनारायण चौधरी यांनी मुलीचा जीव वाचवल्याबद्दल पथकातील अधिकाऱ्यांचा सत्कार केला.
मुंबई येथील एका धर्मशाळेत मूळचे राजस्थानचे एक कुटुंब वास्तव्यास आहे. कुटुंबातील सदस्यांसोबत वाद झाल्याने १६ वर्षीय मुलीने ब्लेडने वार करत मनगट चिरून घेतले. मुलीला मोठ्या प्रमाणात रस्तस्राव सुरू झाल्यानंतर मुलीच्या कुटुंबीयांनी खार पोलिसांशी संपर्क साधला. त्यानंतर निर्भया पथक तातडीने घटनास्थळी दाखल झाले. पथकातील महिला कॉन्स्टेबलने जखमी मुलीला तातडीने रुग्णालयात दाखल केले. त्यामुळे तिच्यावर वेळीच उपचार करण्यात आले. सध्या मुलीची प्रकृती स्थिर असल्याचे सांगितले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.