मुंबई, ता. ११ : स्वातंत्र्यवीर सावरकर राष्ट्रीय स्मारकाच्या वतीने दिल्या जाणाऱ्या ‘शिखर सावरकर पुरस्कार २०२३’चा पुरस्कार प्रदान सोहळा बुधवार, २३ ऑगस्ट रोजी आयोजित करण्यात आला आहे. पुरस्काराचे हे चौथे वर्ष आहे. या पुरस्कारापैकी जीवनगौरव पुरस्कार वगळता अन्य दोन पुरस्कारांसाठी इच्छुक व्यक्ती आणि संघटना यांनी ५ ऑगस्टपर्यंत स्वातंत्र्यवीर सावरकर राष्ट्रीय स्मारकाच्या कार्यालयात अर्ज सादर करण्याचे आवाहन करण्यात आले आहे. मानपत्र, स्मृतिचिन्ह आणि रोख रक्कम असे या पुरस्काराचे स्वरूप आहे. अर्ज स्वातंत्र्यवीर सावरकर राष्ट्रीय स्मारकाच्या फेसबुक पेजवर उपलब्ध असल्याचे सांगण्यात आले आहे.