सकाळ वृत्तसेवा
मुंबई, ता. १८ : माहीम येथील शीतलादेवी येथे तांत्रिक बिघाड झाल्याने शिवाजी पार्क परिसरात रात्री साडेआठ वाजण्याच्या सुमारास विद्युतपुरवठा खंडित झाला होता. रात्री नऊच्या सुमारास वीजपुरवठा पुरवत करण्यात आल्याची माहिती बेस्टच्या सूत्रांनी दिली. अचानक वीज गेल्याने या परिसरात काळोख पसरला होता. दादर ही मुंबईतील मध्यवर्ती बाजारपेठ असल्याने या बत्तीगुलचा व्यापाऱ्यांना त्रास सहन करावा लागला. या वेळी खरेदीसाठी बाहेर पडलेल्या नागरिकांचीही गैरसोय झाली. त्यातच पावसाने हजेरी लावल्याने ग्राहकांची तारांबळ उडाली.