किन्हवली, ता.३१ (बातमीदार) : संवेदनशील ग्रामीण कवी व किन्हवली येथील विद्या प्रसारक मंडळाच्या शैक्षणिक संकुलातील मुख्याध्यापक प्रा .गोपाळ वेखंडे यांचा चिरंजीव कुंजल वेखंडे (२६) याचे सोमवारी (ता.३१) सकाळी अल्पशा आजाराने ठाणे येथील रुग्णालयात उपचार घेत असताना निधन झाले. कुंजल यांने मास्टर ऑफ बिझनेस ऍडमिनिस्ट्रेशन आणि अभियांत्रिकी शिक्षण घेतले होते. दोन वर्षांपासून एसीयन पेंट या नामवंत उद्योगसमूहात उच्च पदावर कार्यरत होता. त्याच्या पश्चात आई, वडील, चुलते, चुलती, चुलत भावंडं असा मोठा परिवार आहे. किन्हवली येथील स्मशानभूमीत शोकाकुल वातावरणात अंत्यसंस्कार करण्यात आले.