मुंबई - ८५ टक्के पेक्षा जास्त लोकांच्या मेंदूचा विकास ६ वर्षांच्या वयात होतो. ही सुरूवातीची वर्षच मुलांच्या जडणघडणीत, भावनिक विकासात महत्त्वाची भूमिका निभावतात. या वयोगटातील मुलांच्या सर्वांगिण आरोग्यावर होमारा सखोल आणि चिरस्थायी प्रभाव ओळखून एकस्टेप फाउंडेशनने 'बचपन मनाओ, बढ़ते जाओ' या उपक्रमाची सुरूवात केली आहे.

एकस्टेप फाउंडेशन हे ७५ पेक्षा जास्त संस्थांचे नेटवर्क असून हे जाळे आगामी काळात वाढणार आहे. नंदन निलेकणी, रोहिणी नीलेकणी आणि शंकर मारुवाडा हे एकस्टेप फाउंडेशनचे सहसंस्थापक आहेत. उपक्रमाची माहिती देताना रोहिणी नीलकेणी म्हणाल्या, 'बचपन मनाओ, बढ़ते जाओ’ हे बालपण साजरे करून भारतातील मुलांच्या शिकण्याच्या प्रवासाचे पालनपोषण करण्याचे एक सामाजिक मिशन आहे.

आपल्या देशाचे सर्वात लहान मुले हेच भविष्य आहेत. भारतात दरवर्षी सुमारे २५ दशलक्ष मुले जन्माला येतात. देशातील प्रत्येक मुलाला शिक्षणासाठी भक्कम पाया देण्याची संधी आमच्याकडे आहे'.

या उपक्रमाचा एक भाग म्हणून लहानपणीच्या आनंदाला सामील करून घेणारी एक शॉर्ट फिल्म तयार करण्यात आली आहे. ज्यात मुलं शिकतात आणि वाढतात.या हृदयस्पर्शी शॉर्ट फिल्मचे उद्दिष्ट हे दर्शकांना 'बालपण साजरे करण्यासाठी' प्रोत्साहित करणे असल्याचे सहसंस्थापकांनी म्हटले आहे.