नेरूळ, ता. २ (बातमीदार) : ईद-ए-मिलादनिमित्त नेरूळमधील महापालिकेच्या माता-बाल रुग्णालयात एमआयएम विद्यार्थी आघाडी व पक्षाच्या पदाधिकाऱ्यांच्या वतीने नुकतेच फळवाटप करण्यात आले. प्रदेश महासचिव हाजी शाहनवाझ खान आणि नवी मुंबई जिल्हा महासचिव समीर शेख यांच्या नेतृत्वाखाली झालेल्या या फळवाटप कार्यक्रमात रुग्णांना फळवाटप करण्यासाठी एमआयएम विद्यार्थी आघाडीचे कोपरखैरणे विभाग अध्यक्ष नाजिम शाह, तसेच पक्षाचे पदाधिकारी आणि कार्यकर्ते उपस्थित होते. यावेळी रुग्णालयातील रुग्ण, गर्भवती महिलांना, लहान बालकांना फळवाटप करण्यात आले. यावेळी वैद्यकीय अधीक्षक डॉ. उद्धव खिल्लारे व वैद्यकीय अधिकारी डॉ. वसंत माने आणि सर्व कर्मचाऱ्यांना भेटून एमआयएम विद्यार्थी आघाडीच्या वतीने ईदनिमित्त शुभेच्छा देण्यात आल्या.