भाईंदर, ता. १३ (बातमीदार) : भाईंदर पश्चिम येथे सुरू असलेल्या मेट्रोच्या कामातील निष्काळजीमुळे दुचाकीस्वार दाम्पत्याच्या अंगावर सिमेंटचा राडारोडा पडला. त्यातून ते थोडक्यात बचावले. याप्रकरणी भाईंदर पोलिसांनी मेट्रोच्या कामातील अभियंता व मुकादम यांच्यावर गुन्हा दाखल केला आहे.
मिरा रोड येथे रहाणारे दिलप्रितसिंग सुरसिंग सेटी हे आपली पत्नी व मुलासह दुचाकीवरून भाईंदर पश्चिम येथील मॅक्सस मॉलच्या दिशेने जात असताना त्यांच्या अंगावर मेट्रोच्या कामातील राडा रोडा पडला. या अपघातातून ते थोडक्यात बचावले. मेट्रोच्या कामातील क्रेनवर काम करणाऱ्या कर्मचाऱ्यास त्यांनी बोलावले असता तो पळून गेला. त्यामुळे सेटी यांनी तेथे असलेल्या अन्य कर्मचाऱ्यांना अंगावर सिमेंटचा राडारोडा पडल्याचे सांगितले. मात्र त्यांनी त्यांच्याकडे दुर्लक्ष करून त्यांना कोणतीही मदत केली नाही. त्यामुळे सेटी यांनी भाईंदर पोलिस ठाणे गाठून मेट्रोच्या कामात निष्काळजी केल्याची तक्रार दाखल केली. पोलिसांनी मेट्रोच्या कामातील अभियंता व मुकादम यांच्यावर गुन्हा दाखल केला आहे, अशी माहिती वरिष्ठ पोलिस निरीक्षक एम. बी. पाटील यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.