डहाणू, ता. १४ (बातमीदार) : गणेशोत्सव मंडळ आणि आगामी येणाऱ्या नवरात्रोत्सवासाठी उत्कृष्ट पर्यावरणपूरक देखाव्यासाठी तसेच उत्कृष्ट ठरलेल्या गणेशोत्सव मंडळांकरिता पुरस्कार ठेवले होते. या स्पर्धेत या वर्षी प्रथम आलेल्या तीन क्रमांकांना १३ ऑक्टोबरला डहाणू पोलिस ठाण्यात उपविभाग पोलिस अधिकारी संजीव पिंपळे यांच्या हस्ते शाल, श्रीफळ, स्मृतिचिन्ह देऊन सन्मानित केले. शिलेदार गणेशोत्सव मंडळ डहाणू फोर्ट, नानीमाता सार्वजनिक गणेशोत्सव मंडळ डहाणू, गणराज मित्र मंडळ मल्याण यांचे अनुक्रमे तीन क्रमांक आले. या पुरस्कर वितरण सोहळ्यात पोलिस निरीक्षक सुधीर संखे, कार्यक्षेत्रातील पोलिस पाटील, तंटामुक्त समितीचे पदाधिकारी, शांतता कमिटी सदस्य आणि नागरिक मोठ्या संख्येने उपस्थित होते.