दादा गावकर प्रतिष्ठाणचे पुरस्कार जाहीर
मुंबई, ता. ३ : मुंबईतील कामगार विभागात गेल्या २७ वर्षांपासून शैक्षणिक आमि सामाजिक कार्य करणाऱ्या दादा गायकर सामाजिक प्रतिष्ठानचे पुरस्कार नुकताच जाहीर झाले. यंदाचा ‘दादा गावकर गुणवंत नागरिक पुरस्कार’ विघ्नहर साखर कारखान्याचे माजी संचालक, भायखळा मार्केट प्रिमायसेसचे २० वर्षे चेअरमनपद भूषविलेले, अखिल भारतीय महात्मा फुले समता परिषद नवी मुंबईचे अध्यक्ष किरण झोडगे यांना जाहीर झाला आहे. तर प्रज्ञावंत दिलीप पायगुडे स्मृती पुरस्कार कवी अशोक लोटणकर, बाळू वाळके कार्यकर्ता पुरस्कार प्रतिष्ठानचे चिटणीस जितेंद्र पराते, राष्ट्रीय बालश्री प्रसाद घाडी दिव्यांग पुरस्कार सोहम साळगावकर (सावंतवाडी) आदींना जाहीर झाला आहे. उद्या (ता. ४) सायंकाळी भायखळा पूर्वेतील लोकशाहीर अण्णाभाऊ साठे सभागृहात हा पुरस्कार वितरण सोहळा होणार आहे. या वेळी मुंबईचे पालकमंत्री मंगलप्रभात लोढा, माजी खासदार समीर भुजबळ, कामगार कल्याण आयुक्त रविराज इळवे आदी उपस्थिती राहणार आहेत.