ठाणे, ता. १५ (बातमीदार) : लोढा आमारा संकुलातील भारत शिंदे यांची ‘भारत संगीत ॲकॅडमीतर्फे त्यांच्या शिष्यांसोबत अमारातील ऑडिटोरिअममध्ये नुकताच स्वर दीपोत्सव हा कार्यक्रम सादर करण्यात आला. भारत शिंदे यांचे ‘कानडा राजा पंढरीचा’ या गाण्याने प्रेक्षकाची पंढरीची वारी घडवली तसेच तीन वर्षाच्या स्वरांच्या ‘दुर्गे दुर्गट भारी’ गाण्याने उपस्थित रसिकांना मंत्रमुग्ध केले.
स्वर दीपोत्सव कार्यक्रमात लहानांपासून मोठ्यांपर्यंत अशा १५ कलाकारांनी आपले गाणी सादर करून प्रेक्षकांना मंत्रमुग्ध केले. कार्यक्रमात शंभरहून अधिक रसिक मंडळी उपस्थित होती. कार्यक्रमासाठी प्रमुख अतिथी म्हणून ब्रम्हांड संगीत कट्ट्याचे संस्थापक राजेश जाधव, पोलिस निरीक्षक महेश पाटील तसेच भाजप जैन प्रकोष्ट राकेश जैन उपस्थित होते. ही चाल तुरुतुरु... नदीच्या पल्याड.. दिल है छोटासा ‌... मल्हार वारी... अशा प्रकारची गाणी सादर करण्यात आली. गायक इशान,शैलजा, भैरवी, गीनी, शिवाणी, अपर्णा ,प्रिया,मनिषा, विजया,प्रणव आणि धनेश यांच्या गाण्याने प्रेक्षकांची मने जिंकली.