पनवेल, ता.१५ (वार्ताहर): कळंबोलीत राहणाऱ्या एका महिला डॉक्टरला ऑनलाईन लिप्स्टीक मागवणे चांगलेच महागात पडले आहे. सायबर चोरांनी या महिलेल्या पाठवलेल्या लिंकवर संपूर्ण माहिती भरण्यास भाग पाडताना खात्यातून एक लाखांची रक्कम दुसऱ्या खात्यात परस्पर वळती करून घेतली आहे. याप्रकरणी कळंबोली पोलिस ठाण्यात गुन्हा दाखल आहे.

कळंबोलीतील रोडपाली येथे राहणारी ३१ वर्षीय महिला डॉक्टर एका खासगी रुग्णालयात कामाला आहे. २ नोव्हेंबर रोजी या महिलेने ऑनलाईन लिप्स्टिक ऑर्डर केली होती. चार दिवसानंतर पार्सल मिळवण्यासाठी तीने ब्ल्यु डार्ट एजन्सीला संपर्क साधून चौकशी केली होती. त्यानंतर या डॉक्टरला सायबर चोरट्यांनी संपर्क साधून तिचे पार्सल होल्डवर ठेवल्याचे सांगितले. तसेच एका लिंकवर संपूर्ण माहिती भरण्यासाठी सांगितले होते.