ठाणे, ता. ३० (वार्ताहर) : घराबाहेर खेळणाऱ्या मनोरुग्ण अल्पवयीन मुलीला वृद्धाने घरी बोलावून तिच्यावर अत्याचार केल्याची घटना नुकतीच उघडकी आली आहे. याप्रकरणी ४० वर्षीय महिलेच्या तक्रारीवरून वागळे इस्टेट पोलिस ठाण्यात गुन्हा दाखल करण्यात आला आहे. सिकंदर सोळंकी (वय ६५) असे गुन्हा दाखल झालेल्या व्यक्तीचे नाव आहे. सोमवारी (ता. २७) वागळे इस्टेट पोलिस ठाण्याच्या हद्दीतील ज्ञानेश्वर नगरमध्ये मनोरुग्ण अल्पवयीन मुलगी आपल्या घरासमोर खेळत होती. त्या वेळी सिकंदर सोळंकी याने तिला आपल्या घरात बोलावून अत्याचार केला. फिर्यादी महिलेला याबाबत संशय आल्यानंतर सिकंदर सोळंकीच्या घराचा दरवाजा ठोठावला असता ही बाब उघडकीस आली.