खारघर गेल्या काही दिवसांपासून तळोजा औद्योगिक क्षेत्रातून रात्रीच्या वेळी होणारे वायू प्रदूषणाचे प्रमाण कमी झाले होते.
मात्र पुन्हा बुधवारी रात्री पूर्वीप्रमाणे हवेत सोडला जाणाऱ्या उग्र वासामुळे अनेकांची झोपमोड झाल्याने रहिवाशांमधून संताप व्यक्त केला जात आहे. शिवाय यामुळे अनेकांना डोकेदुखी, मळमळ झाल्‍याचेही सांगण्यात येत आहे.
तळोजा एमआयडीसीमधून रात्रीच्या वेळी सोडल्या जाणाऱ्या रसायनांचा उग्र वास आणि दुर्गंधीमुळे नागरिकांना त्रास होऊ लागल्‍याने काही सामाजिक कार्यकर्त्यांनी राज्य प्रदूषण महामंडळ, तसेच लोक आयुक्तांकडे लेखी तक्रार करून कंपन्यांवर योग्य ती कारवाई करण्यात यावी, अशी मागणी केली होती. गेल्या दोन महिन्यांपासून विविध सामाजिक संस्था प्रदूषणाच्या विरोधात आंदोलन करीत आहे.
मध्यंतरी हा उग्र वास कमी झाला होता. दरम्‍यान, कॉलनी फोरम आणि तळोजा हाऊसिंग फेडरेशनकडून येथील प्रदूषणाच्या विरोधात तळोजा वसाहतीमध्ये मॅरेथॉन आयोजित केली होती. याला चांगला प्रतिसाद मिळाला होता.
येथील प्रदूषणाच्या विरोधात तळोजावासीय असताना, पुन्हा बुधवारी रात्री अचानक उग्रवास येण्यास सुरुवात झाली. त्‍यामुळे अनेकांची झोपमोड झाली. याप्रकरणी प्रदूषण नियंत्रण मंडळाने कारवाई करावी, अशी मागणी येथील रहिवासी करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.