वाणगाव (बातमीदार) : वाय. एन. पी. कॉलेज ऑफ फार्मसी, स्वाती पाटील बॅचलर ऑफ फॅशन डिझाईन, कृषी तंत्र निकेतन, मनुभाई मेहता बी. एस. सी. हॉस्पिटॅलिटी स्टडीज आणि तात्यासाहेब कोरे लॉ कॉलेज यांच्या संयुक्त विद्यमाने अस्तित्व वार्षिक सांस्कृतिक महोत्सव, तसेच फॅशन आयोजित करण्यात आला होता. डिझाईन महाविद्यालयाच्या वतीने कला प्रदर्शन, फॅशन शो आणि सांस्कृतिक कार्यक्रमाची मेजवानीचा आनंद उपस्थितांना घेता आला. प्रा. इमाम अली यांनी डिझाईन केलेल्या कपड्यांचा शो या ठिकाणी आयोजित करण्यात आला होता. त्यांच्या मार्गदर्शनाखाली महाविद्यालयातील विद्यार्थिनींनी डिझाईन केलेले कपडे परिधान करून रॅम्प वॉक झाला. या वेळी प्रमुख पाहुणे म्हणून आंतरराष्ट्रीय वस्त्रोद्योग निरीक्षक राहुल पवार व बांधकाम व्यावसायिक नामदेव चव्हाण यांची प्रमुख उपस्थिती लाभली. राहुल पवार व नामदेव चव्हाण यांच्या हस्ते दीप प्रज्वलन करून कला प्रदर्शनाचे उद्‍घाटन करण्यात आले. या वेळी डिझाईन महाविद्यालयातील विद्यार्थिनींनी तयार केलेले कपडे विक्रीसाठी उपलब्ध करण्यात आले होते. पालघर जिल्ह्यातील हजारो फॅशन प्रेमींनी व नागरिकांनी भेटी देऊन खरेदी केली होती.