Bhivandi News: अल्पवयीन मुलीचा विनयभंग केल्याने संतापलेल्या वडिलांनी ४६ वर्षीय इसमाला बेदम मारहाण करून तेथून पळ काढला. नारपोली पोलिसांनी खुनाचा गुन्हा दाखल करून आरोपीचा शोध सुरू केला आहे.

ओमप्रकाश महादेव पाल (वय ४६) असे मृताचे नाव असून तो चार महिन्यांपासून भिवंडी तालुक्यातील कशेळी परिसरात राहून मजुरी करत होता. २२ फेब्रुवारीला रात्री १०.४५ वाजता याच परिसरातील मैत्री पार्क येथील जी-विंग सरस्वती रेसिडेन्सीमध्ये ओमप्रकाश पाल यांच्यासमोर राहणाऱ्या बिलाल समसुद्दीन अन्सारी (वय ३४) याने त्याला लाथाबुक्क्याने मारहाण केली.(mumbai News)

यात डोक्याला गंभीर दुखापत झाल्याने त्याचा मृत्यू झाला. नारपोली पोलिसांनी सांगितले की, बिलाल याच्या अल्पवयीन मुलीचा पाल याने विनयभंग केला होता. त्यामुळे संतप्त होऊन त्याने त्याची हत्या करून पळ काढला. मृताच्या मुलाच्या तक्रारीवरून नारपोली पोलिसांनी बिलालविरुद्ध खुनाचा गुन्हा दाखल करून त्याचा कसून शोध सुरू केला आहे. या प्रकरणाचा तपास नारपोली पोलिस ठाण्याचे गुन्हे शाखेचे पोलिस निरीक्षक प्रमोद कुमार करीत आहेत.(bhivandi crime news)