हिरकणी कक्ष म्‍हणजे महिलांसाठी हक्‍काचे दालन
- मंत्री आदिती तटकरे यांच्या हस्‍ते कक्षाचे उद्‌घाटन
रोहा, ता. २७ (बातमीदार) ः हिरकणी कक्ष म्हणजे महिलांसाठी हक्काचे दालन आहे, असे प्रतिपादन राज्याच्या महिला व बालकल्याण विकास मंत्री आदिती तटकरे यांनी केले. रविवारी (ता. २५) तटकरे यांच्या हस्ते फीत कापून हिरकणी कक्षाचे उद्‌घाटन करण्यात आले, त्यावेळी त्‍या बोलत होत्‍या.
आदिती तटकरे म्‍हणाल्‍या की, रोहा तहसील व प्रांत कार्यालयाप्रमाणे अन्य शासकीय कार्यालये एकाच संकुलात उभी आहेत. कार्यालयात आपापल्या कामानिमित्त रोज शेकडो महिला येतात. याआधी त्यांची गैरसोय होत असे. या गोष्टीकडे महसूल विभागाने गांभीर्यपूर्वक लक्ष देत हिरकणी कक्ष सुरू करण्याचा मानस व्यक्त केला. त्या दृष्टीने कामदेखील मार्गी लागले आहे, असे त्‍यांनी सांगितले.
या वेळी प्रांताधिकारी ज्ञानेश्वर खुटवड, तहसीलदार डॉ. किशोर देशमुख, अप्पर तहसीलदार प्रकाश म्हेत्रे, पोलिस निरीक्षक देविदास मुपडे, नायब तहसीलदार राजेश थोरे आदी उपस्थित होते.

फोटो केप्शन : हिरकणी कक्षाचे फीत कापून उद्‌घाटन करताना मंत्री आदिती तटकरे. त्‍यांच्यासमवेत प्रांत अधिकारी ज्ञानेश्वर खुटवड, तहसीलदार किशोर देशमुख, नायब तहसीलदार राजेश थोरे आदी मान्यवर.