Mumbai Metro News: मेट्रो-९ या दहिसर पूर्व ते मिरा-भाईंदरला जोडणाऱ्या मार्गाचे काम वेगात सुरू आहे.

मुंबई महानगर प्रदेश विकास प्राधिकरणाने (एमएमआरडीए) शुक्रवारी रात्रीपासून साडेआठ तासांत २२ महाकाय गर्डर बसवण्याची विक्रमी कामगिरी केली. पश्‍चिम द्रुतगती मार्गावरील वाहतुकीत कोणताही अडथळा न आणता ही मोहीम फत्ते केली.(mumbai news)

मेट्रो मार्गावर सुभाषचंद्र बोस, शहीद भगतसिंग आणि दहिसर पूर्व या तीन उन्नत स्थानकांचे काम करणे आणि त्याचे आरसीसी प्री-कास्टिंग गर्डर बसवण्याचे मोठे आव्‍हान ‘एमएमआरडीए’समोर होते.

त्यासाठी आवश्यक असलेले प्री कास्टिंग केलेले अवजड गर्डर एमएमआर क्षेत्रातील वेगवेगळ्या ठिकाणांहून वाहून आणावे लागणार होते.()

त्यामुळे रस्त्यावरील वाहतुकीचा खोळंबा होण्याची भीती होती. हे टाळण्यासाठी एमएमआरडीएने चोख नियोजन करून रात्री हे काम करण्याचे निश्‍चित केले.

त्यानुसार शुक्रवारी रात्री १० ते शनिवारी सकाळी ६.३० पर्यंत विक्रमी वेळेत हे काम पूर्ण केले, अशी माहिती एमएमआरडीएने दिली. तीन स्थानकांत हे गर्डर बसवण्यात आल्याने संबंधित स्थानकाच्या कामाला वेग येणार आहे.