सकाळ वृत्तसेवा

डोंबिवली, ता. ३ : कल्याण-डोंबिवली महापालिका क्षेत्रातील सोनारपाडा, गोळवली प्रभागातील सोनारपाडा मुख्य बस स्टॉप ते हनुमान मंदिर रोडपर्यंत जलवाहिनी टाकण्याचे काम हाती घेण्यात आले आहे. या कामाचे भूमिपूजन माजी आमदार सुभाष भोईर यांच्या हस्ते शनिवारी (ता. २) झाले. महापालिका क्षेत्रातील मूलभूत सोयी-सुविधांचा विकास लेखा शीर्षांतर्गत आमदार असताना १५ लाख रुपये मंजूर केले होते. त्याचा पाठपुरावा करून जलवाहिनीचे काम सुरू करण्यात येणार आहे. यावेळी प्रकाश म्हात्रे, प्रमिला मुकेश पाटील, रमेश पाटील, मुकेश पाटील, केशव पाटील, शरद पाटील, अनंत पाटील, चंद्रकांत ठाकूर, शिवाजी पाटील, सुगंधा पाटील यांच्यासह मोठ्या प्रमाणावर नागरिक उपस्थित होते.