बबन्ना कुशलकर वडार समाजाच्या अध्यक्षपदी
मालाड, ता. २९ (बातमीदार) ः बबन्ना कुशलकर यांची वडार समाजाच्या अध्यक्षपदी नियुक्‍ती करण्यात आली आहे. वडार समाज संघटना ‘शिवक्रांती वडार समाज’तर्फे आयोजित कार्यक्रमात संघटनेचे प्रमुख मार्गदर्शक व सल्लागार आमदार अभिमन्यू पवार यांनी याची घोषणा केली. त्‍यांना नियुक्ती पत्र देण्यात आले. कुशलकर म्हणाले की, समाजातील ज्येष्ठांनी विश्वासात घेऊन जबाबदारी सोपवली आहे. त्यामुळे समाजाच्या उन्नतीसाठी कार्यरत राहीन. रश्मी जाधव, बलराज वारकर, रवी शिंदे, अनिल शेलार, राजू जाधव यांच्यासह अनेक सामाजिक संस्थांचे पदाधिकारी, राजकीय पक्षांचे पदाधिकारी यांनी अभिनंदन केले.