Mumbai News: भाईंदर पूर्वेतील नवघर पोलिस ठाण्याच्या परिसरात सुमारे दीड लाख रुपयांचा आठ किलो गांजा जप्त करण्यात आला. याप्रकरणी एकाला अटक करण्यात आली.

नवघर रोड परिसरात एक व्यक्ती गांजा विक्री करण्यासाठी येणार असल्याची माहिती पोलिसांना मिळाली होती. त्यानुसार नवघर पोलिस ठाण्यातील उपनिरीक्षक तुषार माळोदे यांनी आपल्या सहकाऱ्यांसह सापळा रचला होता. विरार पूर्व परिसरात राहणारा अरविंद दीपक चौरसिया याला ताब्यात घेण्याचा प्रयत्न केला असता तो पळू लागला होता.(Mumbai Police)

त्यावेळी पोलिसांनी त्याचा पाठलाग करून ताब्यात घेतले. चौरसिया याची झडती घेतली असता त्याच्याकडे असलेल्या पिशवीत आठ किलो वजनाचा गांजा आढळून आला. त्याची किंमत एक लाख ६० हजार आहे.(baindar Crime)