उरण, ता. १० (वार्ताहर) : जगद्‍गुरू रामानंदाचार्य श्री स्वामी नरेंद्राचार्य महाराज यांचा पादुका दर्शन सोहळा मंगळवारी (ता. १२) सकाळी १० वाजता उरण नवघर येथील श्री कानकेश्‍वरी मैदानात आयोजित करण्यात आला आहे. या वेळी नरेंद्राचार्य महाराज यांच्या पादुकांसमवेत गुरुपूजनाचा, उपासक दीक्षेचा, प्रवचनाचा व दर्शनाचा लाभ भाविकांना मिळणार आहे. तसेच या दिवशी कार्यक्रम ठिकाणी हजारो भक्त, उपासक दीक्षा घेणार आहेत. पादुका दर्शन सोहळ्याच्या निमित्ताने प्रवचनाच्या माध्यमातून अध्यात्म, विज्ञान आणि व्यवहार यांची सांगड घालून सुखी जीवन कसे जगता येईल, मानवी मनाचा विकास कसा साध्य होईल, तसेच भारतीय संस्कृतीचे जतन यावर उद्‍बोधक मार्गदर्शन करण्यात येणार आहे. या कार्यक्रमाचा लाभ घ्यावा, असे आवाहन आयोजकांनी केले आहे.