Thane Crime: पोपट आणि कासवांच्या तस्करीचा छडा लावण्यात वनविभागाला यश आले आहे. पडघा टोलनाका येथे शनिवारी (ता. ९) पहाटे उच्च प्रतीचे पाच कासव आणि ४५ पोपटांनी भरलेले दोन ट्रक जप्त केले आहेत.
याप्रकरणी सहा जणांना अटक करण्यात आली असून मालेगाववरून मुंबईच्या क्रॉफर्ड मार्केट येथे विक्री केली जाणार होती. वाईल्ड लाईफ वेल्फेअर असोसिएशनच्या मदतीने ही कारवाई करण्यात आली.
घरात पोपट, कासव पाळण्याची हौस अनेकांना असते. यासाठी हजारांपासून लाखो रुपये मोजण्याची अनेकांची तयारी असते, पण कायद्याने पोपट किंवा कासवाची खरेदी-विक्री करणे गुन्हा आहे. असे असताना वन्यजीव तस्करीचे जाळे देशभर पसरले आहे.
मालेगाव येथून अशाचप्रकारे काही पक्षी मुंबईत विक्रीसाठी येत असल्याची माहिती मानद वन्यजीव रक्षक रोहित मोहिते यांना मिळाली होती. त्यानुसार वन अधिकारी प्रदीप पाटील यांच्या पथकाने पडघा टोलनाका येथे सापळा रचला होता. यावेळी टोलनाक्याजवळ दोन ट्रक जप्त केले असून ट्रकचालक, क्लीनर तसेच अन्य तिघांना अटक करण्यात आली. न्यायालयाने त्यांना पोलिस कोठडी सुनावली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.