भाईंदर (बातमीदार) : रेल्वे स्थानकातील फलाट क्रमांक एकवर विरारच्या दिशेने निघालेल्या ट्रेनमधून पडलेल्या तरुणीचे कर्तव्यावर असलेल्या पोलिसांमुळे प्राण वाचले. भाईंदर स्थानकात शनिवारी रात्री ही घटना घडली होती. भोवळ आल्याने ही तरुणी फलाटावर पडली होती. या वेळी फलाटावर असलेले पोलिस कर्मचारी एकनाथ माने आणि चव्हाण यांनी तरुणीला बाजूला खेचल्यामुळे थोडक्यात बचावली. मुलीला कोणत्याही प्रकारची दुखापत झाली नसून पोलिसांच्या प्रसंगावधानाचे कौतुक होत आहे.