नवी मुंबई, ता. १३ (वार्ताहर) : सिडकोने व्‍यावसायिकांसाठी उलवे नोडमधील २४३ दुकाने विक्रीसाठी उपलब्ध केली आहेत. यासाठी ऑनलाईन नोंदणी प्रक्रियेला १४ मार्चपासून सुरुवात होणार आहे. १५ एप्रिल २०२४ रोजी याचा निकाल जाहीर केला जाणार आहे. या योजनेद्वारे व्यावसायिकांना संधी उपलब्ध होणार आहे.
बामणडोंगरी येथील सिडको गृहसंकुलास नेरूळ-उरण उपनगरी रेल्वे मार्गावरील बामणडोंगरी स्थानकाद्वारे कनेक्टिव्हिटी लाभली आहे. तसेच एमएटीएचएल सागरी सेतूपासूनही या गृहसंकुलाचा परिसर नजीकच्या अंतरावर आहे. सिडकोने या योजनेद्वारे व्यावसायिकांना उलवे परिसरामध्ये व्यवसायवाढीची संधी उपलब्ध झाली आहे. विशेषत: मध्यम व लहान व्यावसायिकांकरिता ही योजना अत्यंत उपयुक्त आहे. त्यामुळे अधिकाधिक व्यावसायिकांनी या योजनेचा लाभ घ्यावा, असे आवाहन सिडकोचे व्यवस्थापकीय संचालक विजय सिंघल यांनी केले आहे.
---------
कुठे कराल नोंदणी?
सिडकोने या योजनेत दुकाने खरेदीसाठी https://eauction.cidcoindia.com या संकेतस्थळावर नोंदणी करता येणार आहे. १४ मार्च ते १३ एप्रिल २०२४ पर्यंत नोंदणी करता येणार आहे.