ST News: शिमग्याला कोकणात जाणाऱ्या चाकरमान्यांसाठी महाराष्ट्र राज्य परिवहन महामंडळाच्या ठाणे विभागाने दरवर्षीप्रमाणे यंदा १२६ विशेष जादा गाड्यांचे नियोजन केले आहे. यात आरक्षणाच्या १०६ तर ग्रुपच्या २० गाड्यांचा समावेश असून यंदा कोकणात जाणाऱ्या चाकरमान्यांना गावी जाण्यासाठी एसटीचा चांगला पर्याय आहे.

होळीपाठोपाठ असलेल्या धुळवडीसाठी मुंबईसह उपनगरातील प्रवाशांची तयारी सुरू आहे. कोकणात जाणाऱ्या प्रवाशांची लगबग लक्षात घेता एसटीच्या ठाणे विभागाचे २२ मार्चपासून जादा गाड्या सोडण्याचे नियोजन आहे.

तसेच २३, २४, २५ आणि २६ मार्च रोजी अतिरिक्त गाड्या सोडण्यावर भर आहे. तसेच आठवड्याभरात ठाणे-१ आगारातून २९, ठाणे- २ आगारातून ३९, कल्याण आगारातून २३ आणि विठ्ठलवाडीतून ३१ अशा १२२ गाड्या सोडण्यात येणार आहे.

या गाड्यांसाठीचे तिकीट आरक्षण सुरू असून चाकरमान्यांनी होळी सणाला जाण्यासाठी खिडकी तसेच ऑनलाईन पद्धतीने आरक्षण करण्याचे आवाहन एसटी महामंडळाने केले आहे.

आगारातून सुटणाऱ्या गाड्या
ठाणे- १ : महाड, पाली, कावळा, पोलादपूर, चिपळूण, मंडणगड, दुर्गेवाडी-मंजूत्री, कासे माखजन, दापोली.( Mahad, Pali, Kavala, Poladpur, Chiplun, Mandangad, Durgewadi-Manjutri, Kase Makhajan, Dapoli)

ठाणे- २ : शिरगाव, फौजी अंबावडे, चिपळूण, शिवथरघळ, बीरमणी, कोतवाल, दापोली, महाड, खापरपा, शिंदी, गुहागर, खेड, देवळी, भेदवाडी.(Shirgaon, Fauji Ambavade, Chiplun, Shivtharghal, Birmani, Kotwal, Dapoli, Mahad, Khaparpa, Shindi, Guhagar, Khed, Devli, Bhedwadi

)

कल्याण : पोलादपूर, कोतवाल, दिवेआगार, फौजी अंबावडे, शिवथरघळ, खेड, चिपळूण, दापोली (Poladpur, Kotwal, Diveagar, Fauji Ambavade, Shivtharghal, Khed, Chiplun, Dapoli)

विठ्ठलवाडी : चिपळूण, तळीये, दापोली, ओंबळी, गुहागर, मुरुड, रत्नागिरी, काजूर्ली, कासे माखजन, गराटेवाडी, दापोली, साखरपा (Chiplun, Taliye, Dapoli, Ombli, Guhagar, Murud, Ratnagiri, Kajurli, Kase Makhjan, Garatewadi, Dapoli, Sakharpa)