Navi Mumbai News: अज्ञात चौकडीने अपघाताचा बनाव करून एका व्यावसायिकाची कार जुईनगर येथे अडवून कारमधील १२ लाख ४३ हजार रुपयांची रक्कम लुटून नेल्याची घटना शनिवारी घडली. (navi mumbai News)

नेरूळ पोलिसांनी या चौकडीविरोधात गुन्हा दाखल करून त्यांचा शोध सुरू केला आहे. खारघर येथे राहणारा ग्रीमसन नाडर (वय ३३) हा व्यावसायिक खारघरमध्ये राहण्यास असून तो गेल्या शनिवारी दुपारी बारा वाजण्याच्या सुमारास एपीएमसी मार्केट येथून १२ लाख ४३ हजार रुपयांची रोख रक्कम घेऊन आपल्या कारने खारघर येथे जात होता.(mumbai news)

यावेळी त्याची कार सायन-पनवेल मार्गावरील जुईनगर येथील स्कायवॉकजवळ आली असताना, अज्ञात चौकडीने त्यांच्या कारला पाठीमागून धडक देऊन अपघात झाल्याचा बनाव रचून त्याची दिशाभूल केली. त्यानंतर आरोपीने नाडर यांच्यासोबत वाद घालून भांडण काढले.

याचवेळी आरोपींमधील एकाने त्याच्या कारची काच फोडून सदर रोख रक्कम असलेली बॅग चोरून पळ काढला. काही वेळानंतर नाडर याला हा प्रकार निदर्शनास आला. मात्र, त्यानंतर त्याने आपले घर गाठले. त्यानंतर त्याने मंगळवारी नेरूळ पोलिस ठाणे गाठत हा घटनेची तक्रार दाखल केली.